Kinder and Primary
L-Erbat Iħbieb ta’ Wied Lelluxa
Ġeru, Fina, Faru u Żrinġi huma erbat iħbieb li jgħixu f’Wied Lelluxa u dejjem lesti għal avventuri ġodda. Għalkemm huma ħbieb kbar, kull wieħed minnhom għandu l-mod uniku tiegħu kif jitgħallem u jħares lejn id-dinja ta’ madwaru.
Aqra l-istorja u skopri kif kull wieħed minn dawn il-karattri jippreferi jitgħallem l-aktar. Wara, ieqaf ftit u aħseb dwar kif INT tippreferi titgħallem u għaliex.
Gwida għall-għalliema
Dan il-materjal qed jiġi żviluppat bħalissa.
Fil-Klassi mas-Sa Warda
Is-Sa Warda tagħti lill-klassi tagħha attività marbuta ma’ Wied Lelluxa. Aqra din l-istorja u ara x’kapaċi joħolqu Ġeru, Fina, Faru u Żrinġi bil-mod partikolari tagħhom kif jitgħallmu.
Aħna lkoll għandna l-mod partikolari tagħna kif nitgħallmu u, għalkemm differenti minn xulxin, xorta nistgħu niksbu riżultati mill-isbaħ! Ejja niskopru flimkien kemm ideat differenti jistgħu joħorġu minn attività waħda u kemm ikun isbaħ meta naqsmuhom ma’ sħabna tal-klassi.
Gwida għall-għalliema
Dan il-materjal għadu jrid jiġi żviluppat.
Bżonn Xulxin
Ġeru, Fina, Faru u Żrinġi jingħaqdu biex jaħdmu fuq proġett partikolari dwar kif kienu jgħixu l-Maltin dari. Skopri kif kull wieħed minnhom jikkontribwixxi fil-grupp billi juża l-mod tiegħu kif jitgħallem biex jgħin lil sħabu.
Qatt ħsibt kemm ikun sabiħ jekk nitgħallmu naħdmu tajjeb flimkien bħala tim? Qabelxejn, nitgħallmu napprezzaw aktar lil xulxin u l-kapaċitajiet differenti tagħna. Meta nappoġġjaw lil xulxin, ix-xogħol isir aktar interessanti u mimli gost! Nistgħu nużaw ukoll l-esperjenza ta’ ħidma fi grupp biex nitgħallmu minn xulxin, u b’hekk inrawmu jew insaħħu ħiliet li forsi għad irridu niżviluppaw. Aqra l-istorja u aħseb kif INT tista’ tagħti sehmek fi grupp bil-ħiliet tiegħek.
Gwida għall-għalliema
Dan il-materjal għadu jrid jiġi żviluppat.
Festin Sorpriża għal Ġeru
Ġeru wasal biex jiċċelebra għeluq sninu iżda din id-darba ħbiebu se jieħdu ħsieb il-festin minfloku. Tgħid kif se jirnexxilhom Żrinġi, Fina u Faru jippjanaw u jorganizzaw kollox minkejja li ma jħossuhomx kunfidenti jużaw dawn it-tipi ta’ ħiliet daqs Ġeru?
Aqra l-istorja u ara kif tista’ tirnexxi saħansitra meta attività ma taqbilx mal-mod kif tippreferi titgħallem. Xorta tista’ tikseb suċċess billi tippjana b’għaqal u torganizza ruħek, forsi bl-għajnuna ta’ ħaddieħor, kif ukoll titgħallem minn oħrajn li jitgħallmu b’mod differenti minnek.
Gwida għall-għalliema
Dan il-materjal għadu jrid jiġi żviluppat.